Kursi bazik i laparoskopisë dhe histeroskopisë

Në datat 2 -3 Mars, në Lezhë u zhvillua kursi bazik i laparoskopisë dhe histeroskopisë. Një aktivitet i konceptuar në një mënyrë inovative që alternoi prezantime teorike, trajnimin ”hands on” të pjesëmarrësve në simulatorë pelvik si dhe live surgery me lidhje direkte nga salla e Maternitetit Lezhë.  Ky ishte një projekt që përmbledh një rrugëtim formimi dhe pasioni dhe që na bën të ndjehemi mirë qoftë sa i përket pjesëmarrjes dhe interesimit të lartë që ngjalli ashtu dhe motivimit për projekte të tjera gjithmonë e më ambicioze.

Ky kurs u zhvillua nen kujdesin e organizatoreve Dr. Leon Kaza  , Senad Hallunaj dhe Rustem Celami .

Falenderime të përzemërta pjesëmarrësve, të gjithë atyre që na mbështetën në këtë projekt si dhe stafit të mrekullueshëm të maternitetit Lezhë.